აღწერა
სუპერის დიზაინი –ელენე ვარამაშვილი
საქართველოს თანამედროვე სამუზეუმო კულტურა 160 წელზე მეტს ითვლის და, რა თქმა უნდა, ქვეყანაში არსებული მუზეუმების რაოდენობა 100-ზე ბევრად მეტია, ხოლო ექსპოზიციებსა და ფონდებში დაცული ისტორიის, ხელოვნებისა და მატერიალური კულტურის ამსახველი მასალების რაოდენობა რამდენიმე მილიონს აღემატება. აქედან გამომდინარე, ქვეყნის ყველა ან თუმდაც უმთავრესი მუზეუმების მხოლოდ ძირითად ექსპონატთა სრულად წარმოჩენას მრავალი ტომი დასჭირდებოდა, ამიტომ გამოცემის ფორმატის გათვალისწინებით, მხოლოდ საქართველოს 100 მუზეუმი შევარჩიეთ.
სამწუხაროდ, გამოცემაში ვერ მოხვდა რუსეთის მიერ დროებით ოკუპირებულ — აფხაზეთსა და შიდა ქართლის ცალკეულ ტერიტორიაზე არსებული მუზეუმები, რომელთა დიდი ნაწილი ამჟამად მოუვლელი და უმოქმედოა.
გამოცემის უმთავრესი მიზანია საქართველოს მუზეუმების წარმოჩენა, ადგილობრივ მკვიდრთათვის — შეხსენება, სტუმართათვის — მუზეუმებში არსებული მდიდარი — უნიკალური მასალების შესახებ საწყისი ინფორმაციის მიწოდება-პოპულარიზაცია.
ხელმისაწვდომია წიგნის ინგლისური და რუსული გამოცემებიც.
