წინასიტყვაობა

„ღამის შუქურები“ ახალგაზრდა ბრიტანელი ჟურნალისტისა და მწერლის, ემი ლიპტროტის ლიტერატურული დებიუტია. ეს არის გულწრფელი მონათხრობი საკუთარ ცხოვრებაზე: მწერალი გვიყვება, როგორ წავიდა ლონდონში კარიერის შესაქმნელად და სიყვარულთან შესახვედრად. თავდაპირველად ყველაფერი მეტად სახალისო იყო, მაგრამ მალე ალკოჰოლს მიეძალა, დაშორდა შეყვარებულს, დაკარგა სამსახური, ბინა, მისი გაუპატიურებაც კი სცადეს, სასმლით გაბრუებული ქუჩა-ქუჩა დაეხეტებოდა…

გადარჩენის ერთადერთი გზა შინ, ორკნის კუნძულების ფერმაში დაბრუნება იყო. იქ ადამიანი იმდენად მარტო რჩება ბუნებასთან, რომ შეუძლია ბუს ელაპარაკოს, ან გაშიშვლდეს და ისე ირბინოს ბროდგარის წრის გავარვარებულ ქვებს შორის, სადაც ოდესღაც ნეოლითის ეპოქის ხალხი რიტუალების ასრულებდა.

ლონდონის ხმაურიანი სამყაროდან, რომელშიც არც მას და არც მის პატარა ცხოვრებას არანაირი მნიშვნელობა არ აქვს, გმირი ბრუნდება ბუნების უკიდეგანო სამყაროში, სადაც ყველა მოვლენა დიდებული და მნიშვნელოვანია. აქ ის დილაობით გაყინულ ზღვაში ცურავს, ორკნის კუნძულების ველურ ბუნებას ახალი თვალით აკვირდება, გადაშენების გზაზე დამდგარი ფრინველების გადარჩენის საქმეში ებმება და ხელახლა აღმოაჩენს იმ ადგილებს, სადაც გაიზარდა; ღამღამობით კი ცაში „მხიარულ მოცეკვავეებს“ (ჩრდილოეთის ციალს) შესცქერის და ცხოვრების არსს უტრიალებს, რომლისთვისაც ხშირად კითხვის ნიშანი დაუსვამს…
თუმცა წარსულის დავიწყება იოლი არ არის — ზღვის ტალღების ხმა, კუნძულის კლდოვან ნაპირებს რომ ეხეთქება, მას ისევ ლონდონში აბრუნებს და გადატვირთული ქუჩების ხმაურს აგონებს, ზღვაზე არეკლილი მზის სხივები კი — ღამის კლუბების ნეონებს… მისი ორი სამყარო ერთმანეთზეა გადახლართული. ახალგაზრდა ქალი ცდილობს გაერკვეს, ეს ცხოვრების ორი უკიდურესობაა თუ რეალობასთან ურთიერთობის განსხვავებული გზები…

ამ წიგნმა მწერალს არაერთი გამარჯვება მოუტანა: მათგან უმთავრესია უეინრაიტის პრემია ბუნების შესახებ საუკეთესო წიგნისთვის (2016 წ.) და ინგლისის პენ-კლუბის მიერ დაწესებული ყოველწლიური პრემია ავტობიოგრაფიული რომანისთვის (2017 წ.).

წიგნი ინგლისურიდან თარგმნა გაგა ლომიძემ.

ასევე იხილეთ

„არასოდეს მიმაჩნდა, რომ მწერლობა კარიერაა“

„არასოდეს მიმაჩნდა, რომ მწერლობა კარიერაა“

„სულჩადგმული მარმარილო“ თანამედროვე ლიეტუველი მწერლის ლაურა სინტია ჩერნიაუსკაიტეს რომანია, რომელმაც 2009 წელს ევროკავშირის ლიტერატურული პრემია დაიმსახურა. მასში აღწერილია იზაბელეს ამბავი, რომელიც რთული ხასიათის ბიჭს იშვი­ლებს. ახალი წევრის შემოსვლას ოჯახში,...

„ზოგჯერ მწერალი სათქმელს ბოლომდე არ ამბობს“

„ზოგჯერ მწერალი სათქმელს ბოლომდე არ ამბობს“

„მოგზაურობისა და უდაბნოს მოკლე თეორია“ ესპანელი მწერლის კრისტიან კრუსატის მოთხრობების კრებულია, რომელმაც 2013 წელს ევროკავშირის ლიტერატურული პრემია მიიღო. მასში ავტორი ჩვენს თანამედროვე ყოფას აღწერს, სადაც თითოეული გმირი ეძებს შთაგონების შესაძლებლობას, მაგრამ...

„ადამიანს ბანალური რაღაცეები სჭირდება ბედნიერებისთვის“

„ადამიანს ბანალური რაღაცეები სჭირდება ბედნიერებისთვის“

„ოდესღაც რბილ ბალახზე დავრბოდი თურმე“ პირველი წიგნია, რომელიც გამომცემლობა „კლიოს“ და „შემოქმედებითი ევროპის“ ერთობლივი პროექტის - „გავიცნოთ ლიტერატურული ევროპა” - ფარგლებში ითარგმნა. რომანი ქეთევან ნიკოლაძემ თარგმნა, რომელიც წლებია საქართველოს წამყვან უნივერსიტეტებში...

This site is registered on wpml.org as a development site.